Os quilómetros que percorremos dende aquela
Os quilómetros que percorremos dende aquela
Alberte Momán
ISBN: 978-84-92792-99-3
Editorial Toxosoutos
Os quilómetros que percorremos dende aquela.- As relacións humanas non son acontecementos illados na traxectoria vital dunha persoa, senón que se atopan expostas a todo tipo de influencias e agresións externas. Un entorno que en ningún caso nos é alleo e que condiciona o percorrido destas tres historias, que doadamente servirán de espello para o día a día das relacións persoais. Unha lectura próxima á que achegarse dende a propia experiencia.
Levure Litteraire
A revista internacional Levure Litteraire fai públicos un textos da miña Erótica en francés.
Erótica, que no seu día fora premio Francisco Añón de Poesía, fai unha selección de textos para publicalos, en francés, en Levure Litteraire.
Dar as grazas a Vlasta Kováčová-Momán pola tradución, a Rosa Enríquez polo convite e ao comité de redacción por considerarme para este novo número.
A Revista nº 30-Novas da Galiza
No número 30 do suplemento cultural A Revista, do xornal Novas Da Galiza, aparece esta Invernía, texto narrativo co que participo no apartado de creación.
De Castro en Moaña
A biblioteca de Quintela en Moaña acollerá, o venres 4 de marzo a partir das 21 horas, a presentación de De Castro de Alba Méndez e Alberte Momán. Libro promovido dende o colectivo A Porta Verde do Sétimo Andar.
Na presentación contarase coa presenza de membros da Porta Verde, afiliadas da Asociación de Mulleres de Moaña e poetas como Ánxo Ratel, Lucía Novas, Asun Estévez e Daniel Costas Currás.
De Castro
Q de Vian Cadernos é unha iniciativa do colectivo A Porta Verde do Sétimo Andar, que con este primeiro número busca incidir na visibilidade da produción artística galega. Esta colección nace con afán de continuidade, polo que periodicamente abrirase a porta deste espazo á participación de artistas galegos e galegas, así como a autores e autoras de países lusófonos cos e coas que xa actualmente se manteñen relacións.
De Castro.- Colectánea poética de Alba Méndez e Alberte Momán, que unifica a visión de ambos sobre a obra e a figura de Rosalía de Castro, icona da literatura e a identidade galegas. Lonxe de todo academicismo e de pretensiosas actualizacións que estarían fóra de lugar, trátase dunha apropiación da obra da autora galega, para achegala á de dúas persoas diversas nun exercicio de posta en común, non exento de conflitos.
Esta é a contracapa do libro De Castro, publicación que se constitúe como o número 1 do que se pretende sexa unha publicación periódica, os Q de Vian Cadernos. Unha iniciativa do colectivo A Porta Verde do Sétimo Andar que, malia que este número só conta coa participación de Alba Méndez e de min mesmo, para os serguintes pretende ser unha punto de encontro da produción artística de toda a Lusofonía. Un medio para dar a coñecer a obra de distintos autores e autoras, sen condicionantes fronteirizos, e cun nexo común, o galego-portugués.
Polo que respecta a De Castro, cústame realmente definir o proxecto. Non se trata en abosluto dun libro sobre a vida de Rosalía de Castro, senón que, sen grandes pretensións, é un achegamento da obra de Rosalía á produción poética que Alba e máis eu estamos a realizar nestes momentos. Cando menos iso é o que eu vexo unha vez realizada a edición. Claro que como vos digo isto, dígovos tamén todo o contrario. Porque, se ben nun primeiro momento, despois de reler detidamente a obra poética da autora, Rosalía de Castro foi o centro do noso traballo, pouco a pouco fómonos apoderando del, interiorizádoo de tal xeito, que, tratando os mesmos temas, non sabiamos se continuabamos a súa estela ou se, pola contra, erabamos nós a escribir sobre nós mesmos. Tal amálgama de sentimentos, devíu axiña en pequenas disensións que o único que facían era mostrar dúas personalidades que, compartindo moitas visións e experiencias vitais, enfrontábanse á hora de describir esta icona da literatura e a identidade galegas. Malia todo, reforzados por esa conexión debida ao traballo en común, decidimos propor ao colectivo A Porta Verde, do que participamos, a publicación do actual volume, integrado, como número un, nos Q de Vian Cadernos.
Pola defensa da Lingua
A Difusora das Letras, Artes e Ideas e máis eu, como autor de O alento da musa, vimos de comezar cunha campaña na que persoas ligadas á defensa do libro, a lingua e a cultura galegas recibirán un exemplar do volume, xunto cunha carta na que se lle recoñece o traballo realizado. Sabedores de que non podemos chegar con esta iniciativa a todas as persoas, colectivos e institucións, tanto a editora coma min, desexamos, con todo, poñer en valor a ardua tarefa da defensa da lingua galega, na súa vinculación co proceso de creación literaria en Galiza.
Sétimo Andar no Gaioso
27-N 21 horas Centro Social Gomes Gaioso (Rua Marconi, nº9. Montealto)
deixar un comentario